Tiers liure, chap. 46 & 47 -->

.

AVLX VERTVEVX AMATEVRS
MESOVAN MVTZ DV PANTAGRVELION

.

Em ma parole autre sen ot,
Au mains quant des coillons parloie,
Don si briefment parler voloie,
Que celui que tu i veuz metre,
Et qui bien entendroit la letre,
Le sen verroit en l’escriture,
Qui esclaircist la fable occure.
La verité dedenz reposte
Seroit clere, s’el iert esposte;
Bien l’entendras, se bien repetes
Les integumanz aus poetes.

I. de MEVN
Roman de la Rose

.

Des temps les plus recullez iusques a nos iours, ceste confrarye en ses rancz comptoyt maintz & maintz sçauantz, painctres, poëtes & aultres scripteurs illustres que ores ne est conuenable de baudement balancer. Ne seront doncques poinct nommez d’aulcuns qui force vsaige en feirent; ains, demandera on, que est il aduenu en ce siecle pour que herbe si bonne ne soyt plus en odeur de ioyeulse saincteté, ycelle qui iadys eust reduict tant & tant de maulx, et ce pendant ouurist grandz les huys de la furieuse ymagination? Car, confessons le, l’herbe pantagruelion de plus d’vn inique mespris continue a estre reprimée de par l’uniuers en son presque entier. Tres tost se doibt de estre preuenuz: que le prime dangier — et peut estre l’unicque — est iuridicque condemnation: le malheur fond sus ycellui qui se veoyd soubz les chaisnes de sa sienne affection, telle la rapacité sus des souris chaulues. Ne debuez fumer ne en ioinctz, ne en tarpée, pestardz, ou guedoufle en la præsence mauluaise, ou moisy serez es vligineuses ergastules: car la loig qui de la tourbe faict mocquette, ne se resiouist pas de ce subiect tres susceptos a ses furies de penitence pour raisons qui encor sont a discourir, ains au commun trouppeau restent tousiours incongneues tant feroces sont les bergiers a le entoueiller. Vne carpe tu seras, demourant a repeter que Pantagruelion du diable est l’herbe tant que prohibé le los sera. Sçache que ceste menterye est tolerée: pour ce que liberté de parolles a chymere s’apparente en matiere de pantagruelion. En attendant de aller au cueur de l’affayre, pour vostre protection, vertueux lecteurs, ne fault dire ou escrire: premierement, que pantagruelion en vsaige ne conduict poinct aulx vsz de plus terrificque medicine (telle pouldre de plantes indianes reduictes ou de pauot par alchymie traictée, & absorbée par pertuys de nez ou es veines par glyphouoires; ou champeignons phantasticques qui font les œilz esmerueillez & que les indians beuuent en decoction ou mangent en omelette & au guoust aussy succulent que ceulx de nos boys). Car cestuy la qui d’vn petard se peult gaudir, cestuy la sus le tard yure de poinctures il sera, baisle vne science grenoillibus & le vulgue son barraguoin. Secondement, que Pantagruelion ne vault malheur moleste. Cestuy que se adonne a herbe pantagrueline en fumation bien tost se adonne a luxure, lasciuie & aultre deshonneste vice, car ce poizon esloignera l’humaine humanité des bonnes coustumes, a l’image des bourrachous emplissans de gemissemens les ruelles, es tauernes & lupanare, ouurent leurs espouses & leurs petitz piaux bataillent, & vllent en tintamarre. Quant aulx aultres, ne ha on pas veu iouuenceaulx estourdyz escouttans a se decouller les aureilles des bruictz de marmitte croyans ouyr melodieuse musicque de tabours, guinterne & cornemeuses, tant ceste herbe guaste les sens en eschauffant le sang. Quand il meurist, le mesme estourdy ne se recordant poinct le debuoir du laboure, de la famille & de la patrie ha la figure cadaureuse, et ne est plus que l’umbre de luy mesme, tel vng estronc que marcher dessus ne porte pas bonne fortune a yceulx qui se sont souillez par en dessoubz leurs chausses. Ah! ce est a vray dire vne grande & redoubtable diablerie que ce sathanas pantagruelion! Et de veoir en cest estat l’hom decrepit, que pirement qu’vn cinge verd il semble, se morfond le charitable deuot. Tiercement: que pantagruelion non nuysant est; ains, a l’opposite, debuez dire que il nuist a la santé par produict pernicieux introduict es poulmons, que adultere & l’alme & le corpz de yceluy deuenu, des la tasfe inhalée, phantosme sans volunté & semblable aulx legumaiges des iardins. La teste & les iambes & les bras comme reduictz par des rapetasseurs guenaulx, tantost rampans comme le lumbricque soubs la terre, de luy se chantera que il fust, mais iadys, vn humain. Moult aultres dammages sont congneuz (et bien congneuz!), pour example la follye telle que elle est descripte par les sçauantz medicins: la psychose induicte [par le pantagruelion] nous fournist la preuue que la perturbation playsante & repestée de la neuro-transmiçion cerebralle porte auecques elle le risque le plus serieulx de deranger d’vne façon permanante des mecanismes neuro-chymicques fondamentaulx qui controllent le comportement coherent. Est ainsy la verité vraye de la physicque, que ne disputerons pas son dire en inutile sacrifice de saliue, ou en escriuant sus parchemin velu (quoyque par foys, ains non par ma foy, il soyt agreable des loups garder la lune — que dis ie: de la lune garder les loups!). Quartement: que pantagruelion est comme pyot de nostre pays — de Bourgoigne ou Bordeaulx, Loyre, Beaulne, Sauoye, Champaigne... — pour ce que assez suffist il a rencontrer la iuste yuresse des niruhanas paradisiacques, que il ne est poinct en obligation de recuillir des merdigues prisez par le iaune de Asie, le sauluaige crespelu de l’Africque ou les Turquoys mahumetistes. Il est ainsy assauoir que le Vieulx de la Montagne eust presque meurtry nostre bon roy Sainct Louys par ordre donné aulx siens soubdars a qui il versoit force breuaiges de vins meslez, & non tel que se dist a tort incorporez de pantagruelion. Marc Paul ha narré ceste curieuse odyssée en son Milione ou Diuisament dou Monde ou Liure des Merueilles dou Monde. L’hystoire ressemble tant a vn conte de la quenoille que ie la donne icy au long pour sa folastrie, quoy que ie en ay corrigé les faultes de formes les plus espouantables

.

XLI. CI DEVISE DOV VIEL DE LA MONTAGNE ET DE SEÇ ASCICINÇ.

.

Mulecte est vne contree la ou le Viel de la montagne soloit demorer ansienemant; Muleete vaut a dire heretiques selon la loy de Sarain. Or vos conterai tout son afer solonc que ie meser Marc oi la conter a plusors homes.

.

Le Viel estoit apellé en lor lengaies Aloadin. Il auoit fait fer entres deus montagnes, en vne valé, le plus grant iardin et les plus biaus ke iamés fust veu: il hi a de tous buen fruit dou monde. Et qui auoit fait fer les plus belles maison & les plus biaus palais que vnques fuissent veu: car il estoient dorés & portrait de toutes les belles coses dou monde. Et encore hi auoit fait faire conduit, que por tel eiue. Il hi auoit dame & dameseles, les plus bielles dou monde, les quelz seuent soner de tuit enstrumenti & chantent & calorent miaus que autres femes. Et fasoit le Vielz entendre a seç homes que cel iardin estoit parais. Et por ce l’auoit faite en tel mainere que Maomet ne fist entendre a les Sarain que celç que vont en parais hi aront belles femes tant quant il voudrent a lor voluntés & que hi treuerent flum de vin & de lait & de mel & d’eiue: & por ce auoit fait fer cel iardin senblable au parais que Maomet auoit dit a Sarain & les Sarain de celle contree croiuent voiremant que cel iardin soit parais. Et en cest iardin ne introit nul homes iamès, for solemant celz que il voloit fer asisin. Il auoit vn castiaus a l’entree de cel iardin si fort ne doutroit home dou monde; & por autre part ne i se pooit entrer que por iluec. Les Vielz tenoit o lui, en sa cort, tuit les iouenes de doç anç en vint de la contree, ce estoient celz que senbleient estre homes d’armes: les quelz sauoient bien por oir dir, solonc que Maomet lor profete dist elç, que le parais estoit fait en tel maner com ie vos ai contés: et ensi croient il voiramant. E que vos en diroie? li Vieilz en fasoit metre de cesti ieune en cel parais a quatre & a x & a xx, selonc que il vouloit, en cest mainere: car il faisoit elz doner beuraies por lo quel il s’adormoit mantinant; puis les faisoit prendre & metre en cel iardin & les faisoit desueiller.

.

.

XLII. COMANT LE VIEL DE LA MONTAGNE FAIT PARFAIT ET OBEIENT SEÇ ASCISCINÇ.

.

Et qauant les ieunes estoient desuoillés, & il se trouent laiens & il voient toutes cestes couses que ie voç ai dit, il croient estre en parais voiramant. Et les dames & les dameseles demoroient tout ior con elz sonant & cantant & faisant grant soulas; & en fasoient a lor voluntés; si que cisti ieune auoient tout ve que voloient & iamés por lor voluntés ne istront de laiens. Et le Viel tient sa corte mout belle & grant & demore mout noblemant & fait creere a cel senple iens des montagnes que entor lui sunt qu’il est profete: ensi croient il voiramant. Et quant le Vel en vult aucun por enuoier en aucun leu e faire occire aucun home, il fait doner le beuaie a tant comme il li ple; & quant il sunt endormia il fait prendre en son palasio. Et quant cesti ieune sunt desueillés, & il se triuent en cel caustiaus el palais, il s’en font grant meraueie & nen sunt pas lies, car del parais dont il venoient & nen sunt pas lies, car del parais dont il venoient por lor voluntés nen s’en fuissent il iamés partis. Il alent mantinant deuant li Vieus & se humelent mout ver lui, comme celz que croient que soit grant profete. Le Vielz le demande dont il vienent & celz dient qu’il vienent dou parais. Et disoient que voiramant est cel le parais come Maomet dist a nostri ancesor; lor content toutes les couses qu’il hi trouent. Et le autre que ce œnt & auoient esté, auoient grant volunté d’aler el parais & auoient volunté de morir porcoi il hi posent & mout desiroient cel ior qu’il hi ailent. Et quant le Vielz vuelt faire occir vn grant sire, il fait aprouer de sien asciscin celç que meior estoient. Il enuoie plosors ne grantment longe enuiron soi por les contree, & lor comandent qu’il ocient cel homes. Celz vont mantinant & font le comandamant lor segnor puis retornent a cort — celz que escanpent, car de telz ni a que sunt pris & morti — puis qu’il ont occis le home.

.

Quintement: si par malencontre en parlois, ne fault oublier de adiouster que: regretz & remord cruellement bruslent ta tienne langue de morsures horrificques & que iamais, au grand oncques!, ne seront reiteréz ces epænons. Tel Lionelus Iospinus, voulant estre roy de guauche par election, mais incontinent faillist, qui le XXIX du moys de Mars de l’an de grace MCMXXXXV dist en la bœtte de images que parlent a la XXI heure & XL minutes que: ça m’est arriué auecques vne estudiante americquaine il y ha tres tres long-temps, XXV ou XXX ans; ça m’est arriué ensuyte vne foys ou deux dens le midi de la France, tousiours a la mesme epocque. Honestement, ça m’a pas branché; pour tout dire, ça ha prouocqué vne legiere perte de conscience qui ne m’a pas excité. Moi, i’aime le plaisir, mais i’aime garder vne certaine lucidité; doncques ça ne m’est pas arriué depuys... Moi, c’est vne déesse indienne que i’auais aperçue! Cela il fust dict sus la chaisne de musicque MCM pour la ieunesse, et reprins dens vn torchecul du matin, le XXX du mesme moys de Mars, a propous de sçauoir si le Iospinus auoit desia consumé du pantagruelion. Ainsy fault il remuer son muscle au dedans de sa bousche: parabolains, en voilà de la grene a prendre & du poulemart a picoter! Sexto: que minimes esculapius, apothécaires & facteurs d’estat en leur monopole ont congnoissance de ce que les drogues sont. Et de leurs aduis ne doubtez pas, quand bien mesme l’herbe pantagruelion sera obiect de leurz tristes topicques. Forçant vos esperitz a repeter comme vng papagaye que science medicine & ses enuoyez d’estat vouloient combattre tous les maulx et dedens le mal pantagruelicque, ne direz vous empoysonné quand oyrez sang, ne chantez non plus pas pa-pon telles syreines des chariotz de medicins ou yceulx pour estaindre le feu des combatans de la flambe, quand oyrez iustice (Aulx fagotz, pa-pon! Aulx fagotz, les bustuaires de la honte!). Sus ceste courte musicque, que bonne alme & vietz-dazes ignorent ou font mines, il est aussy a sçauoir que elle fust vsitée par les Germains pendant la occupation a chasser & liurer les Iuifz, puys pour vn Franc resistant elle ha acrauanté des testes sarrazinesques qui vouloient marcher & se bouger en le villaige capital, puys par d’aultres encores moins reluysans a faire des comptes d’estat œconomicques ceste foys au proffict de la republicque, & que vescut & mourust en paix sans iamais auoir payé vn quelconque forfaict, saulué que il fust par vn protecteur soy disant de guausche qui ne fust oncques que dextre & même dextrement extreme auecques ses amys en cagoulles... Quant a ce que on ha nommé l’affaire des vasches folles, plustost fauldroit les grippeminaulx accuser de crimes contra naturam, eulx qui ont nourry des mangeurs de paille auecques de la viande qui plus estoit haultement malade, et, continuans par criminelle perseuérance, donnent ceste maladerye de mangeaille aulx gelines & guoretz bientost folz eulx aussy. En le dommaine de empoisonneurs, il est a recongnoistre que ce vueil qui ne date d’ores, est deuenu habitude: sang, poissons, moutons, vasches, beufs, porcz, poulletz & animaulx de toutes espesses empoisonnez, aër des cielz souillez qui corrompent les pulmons, soleil qui brusle les peaulx, eaulx de la mer brehaigne, lesgumages sans aulcune saueur, pauureté qui comme vn chancre ronge la humaine societé... que n’est il pas mediocre le pantagruelion, comparé a ces cataglismes? Non? Vrayement non? Que alors le mau de pippe vous byre! Debuez garder par deuers vous vos vostres opinions pour viure en transquilité, si le voulez, et serez liberes a ceste hydeuse condition, poinct d’honeur euidentement n’aurez, ladres que vous estes en ces chattemitesses, car est ainsy le pays ou tu loges que bientost a fuyr sera mieulx que de estre croupys en ceste merdaille de concussion, en ceste pourriture de ladrye, en ces chicaneries de archibouffon. Ou si vous demourez sans dresser la teste, quand bien mesme vous aussy seriez traictez tel mancipe a coupz de fouet pour auoir cuydé pouoir glorieusement estre humain sans estrif, et que doncques vous plaist de viure courbez soubs les bastonnades, allors mussez vous hercules foyrars & prenez pour vous ce que maistre Rabelais disoyt en son prologue de nos communs ennemys a nous les belistrandiers (ains non a vous: honteux esperruquetz mutz par couhardise): «Notez bien ce que i’ay dict, et quelle maniere de gens ie inuite. Car (affin que personne n’y soit trompé) a l’exemple de Lucillius, lequel protestoit n’escrire que a ses Tarentins & Consentinois: ie ne l’ay persé que pour vous Gens de bien, Beuueurs de la prime cuuée, & Goutteux de franc alleu. Les geants Doriphages aualleurs de frimars, ont au cul passions assez, & assez sacs au croc pour venaison. y vacquent s’ilz voulent. Ce n’est icy leur gibbier. Des cerueaulx a bourlet grabeleurs de corrections ne me parlez, ie vous supply on nom & reuerence des quatre fesses qui vous engendrerent, & de la viuificque cheuille, qui pour lors les coupploit. Des Caphars encores moins: quoy que tous soient beuueurs oultrez: tous verollez: crousteleuez: guarniz de alteration inextinguible, & manducation insatiable. Pourquoy? Pource qu’ilz ne font de bien, ains de mal: & de ce mal duquel iournellement a Dieu requerons estre deliurez: quoy qu’ilz contrefacent quelques foys des gueux. Oncques vieil cinge, ne feit belle moue. Arriere mastins. Hors de la quarriere: hors de mon Soleil Cahuaille au Diable. Venez vous icy culletans articuler mon vin & compisser mon tonneau? Voyez cy le baston que Diogenes par testament ordonna estre pres luy posé apres sa mort, pour chasser & esrener ces larues bustuaires, & mastins Cerbericques. Pourtant arriere Cagotz. Aux ouailles, mastins. Hors d’icy caphards de par le diable hay. Estez vous encores la? Ie renonce ma part de Papimanie, si ie vous happe. Gzz. gzzz. gzzzzzz. Dauant dauant. Iront ilz? Iamais ne puissiez vous fianter, que a sanglades d’estriuieres. Iamais pisser, que a l’estrapade: Iamais eschauffer, qu’a coups de baston.» Et pour fuyr ce deplaisir, qui est de penser a ces verollez sus vne note de guayeté, mais aussy pour sçauoir ce qui attend la braueté & le couraige herselez par la peruersité, ie nous conseilleroys de lire synon le liure en entier de Odet de la Noue (qui signaist par prudence “le Sieur de Teligny”), du moyns son tiltre, qui suffist a se en faire vne iuste idee: Paradoxe que les aduersitez sont plus necessaires que les prosperitez, & que, entre toutes, l’estat d’vne estroicte prison est le plus doulx & le plus prouffictable (Lyon, MDLXXXVIII); car comme le disoit Salomon le roy: plus heureulx estre les trespassez que les viuans en ceste vallée de miseres, et que ha reprins Camille Desmoulins dauant que ne le decapitent les enraigés de la vertu pour son sien bonheur (Ah! que le triomphe de ces freres eust il esté admirable si eulx en suyte ne furent occys par les crappaulx eternes du marais qui encores gouuernent despuys — exceptez durant les folles sepmaines de l’an MDCCCLXI, ce qui est vne aultre & longue hystoire, quoy que de courte durée, qui ne ha rien a veoir auecques le pantagruelion...). Ce pendant maintz crimes se commettant en nom de prudence peruerse, et moult humains patissent des dures loix qui les iettent en infractions, la iuridicque leçon doibt elle estre mise a la question des lors que ny ha moindre rogaton d’vn coté & doubtance de l’aultre.

.

Ces conseilz iudiciaires n’ont poinct empesché les fieffez sectateurs de l’herbe pantagruelion de en collauder les vertuz. Maistre Rabelais lui mesme, en son Tiers Liure des faictz & dictz Heroiques du noble Pantagruel, cap. 46 (ou XLIX) & suyuans, fist pourtraict tres fidele & tres veritable des effectz du pantagruelion sus ceulx qui sont tombez en son diabolicque pouoir. Comme au iour d’huy, il ne put exprimer librement sa sienne admiracion car du pantagruelion vray escryre l’appologue il estoit fol, ou finer par se faire brusler pour demoniacles demonstrations a auoir rendu public vn element de brouet sorcier; ne dist il d’ailleurs poinct: «En fin ont mins le remede de y obuier en deliberation & au conseil»... Ah! mais que sont ilz ces Dieux qui si aisement se font leurs femelles robber par de ioyeulx pantagruelistes? Et que sçauons nous de ce que «obuier» veult dire? Que sçauons nous si ne fust la deliberation, tel L.DCXXX, vn coup de baston sus la caboche? Le bracquemard censorin ne luy permist pas de aller plus loing, aussi dust il traicter de vin & de beuuerye, et non de pantagruelion & du fracassus que ceste herbe ha prouocqué en son cerueau. Yceluy qui lit sans paour les aduentures de Gargantua & Pantagruel, il veira que les phantasmes ne viennent poinct de la vigne... Non plus ycelles du Don Quichotte de Ceruantes ne furent produictes par la lecture des liures de cheualerie, ains par abuz de licqueur theriacle que le estropié auoit du gouster: pour abreger ses siennes souffrances a luy, lorsque vn boulet arrachast sa iambe pendant la dure iournée de Lepante; ou ycelles de la fille Alice, qui fist le voyaige es les mirificques royaulmes ou de derriere le mirouoir, par l’inspiration de fumée de pauotz ou par concoction de certains funges qui tous font planer (prenez en memoyre que le verbe icy eloquent de «planer» fust inuenté par maistre Rabelais); pourtant il parloit a motz couuerz & ne fust entendu que par peu. D’ailleurs, entre les estudes sus son sien ouuraige, aulcun iamais ne ha traicté en specificque du pantagruelion, pour ce que non pas vnicquement est luy interdict, ains pour ce que les illustres docteurs sorbonici, par moynerye, ne touchent aulx fruictz defenduz sans auoir esté auctorisez (serions tousiours mehaignez en l’Eden si l’Adam auoit esté de leur race... grace a dieu il fust couraigeux, & nous sommes sortiz de cest enfer bienheureux ou couloient les ennuictz a guogo!). Mais si n’est ny le lieu ny le temps de collauder le pantagruelion, reste il au moyns le Tiers Liure en sa fin, ou le doubte & l’equiuocque se esuanouissent a la clairté par reuelation de la enygme, mesme si maistre Rabelais ne congnoissoit le petard pour ce que la herbe a la royne ne fust encore en vogue; de mode que il fallut en inuenter vn moyen qui n’est, ny ne sera oncques, congnu, dissolu que il est dens les frimatz du passé. Recongnoissez, dauant que de estre graue, a l’ennemy sa constance de constippez et a nous la leçon de ce secret que nostre bon maistre nous offrit en figure hieroglyphicque. Les consequences fascheuses de la reprehenssion de herbe interdicte aulx fumaticques et les disputations au subiect de sa meschanceté sont en debatz secretz. Se debura doncques estre disposée la creuze viduité a la luce de enquestes honestes auant que de auoir a en traicter auecques passion — ce qui n’est iamais profitable. Ces dangiers euocquez seront de quelques vngs examples illustres sans quoy sera cabalisticque au commun tel le voudroient yceulx que de bousches closes resuent, de buschers & de galeres aussy. Les numereuses paiges qui ont esté redigées sus les nuysables dangiers encourruz par les herbiers chelimins, en exaltation de magotz furent composez — ainsy que, a l’opposite, les folz contrarietez des responses. Ne, pour cela, est vtile a les citer, ni les taulpetiers scripteurs, ni les yurongnes qui tous prient vn identicque exploict. L’ultrauaguance & les moufles des fagotteurs espouantent ceulx qui, ignorans des qualitez du pantagruelion, fuyent aulx primes agitations de lemures. Pour example mauluais, entre autres et que ne sera pas nommemment designé, pour ce que ne vault poinct de estre notoire le dict fianteur de escripture empantophlée & que le est desia, halas!, par sa tenebreuse duplicité, a esté dict que les drogues psychodyslepticques, contenans des ingredientz psychoactifz, en desintegrans les meganismes cerebraulx & le processus de la pensée entrauent la prise de conscience & la clairté du iugement qui sont essentielles a l’exercice de la liberté personnelle. Mais le empoisonné peut il estre vrayement coulpable tant mallade il demoure, ne recongnoissant poinct en luy les dommaiges que en sa sienne mommerie exagerée le bedault descript: beaucoup de ieunes gens, certains tres-brillans, consomment [du pantagruelion] assez regulierement despuys trois a quatre ans. Ilz refusent d’admettre qu’ilz sont toxicomanes ou mesme qu’ilz ont vne habitude inuertebrée — a moyns que ce ne soyt inueterée, ie ne me en recorde plus la formule exactement, ains conuiendroit pour la clourre: esmeut. Maintes aduis, tant des auctoritez des medicqueuses sectes que en cours politicque, adiousterent sentence fallace aux aduertissements cauteleux sans ne en auoir esprouué le plus minime effect, quand mesme fust il «admirable» au tesmongnaige de maistre Rabelais. Ne est il poinct plus fol que le fidele de pantagruelion iceluy qui gerbe crestineryz tel pourceau biscarié, que de en rire fauldroit plustost que plorer. Aulcun example ne suffiroit, tant vain que vingt ne vault a en demonstrer la faulseté, pour ce que sont deuenues interdictes les opinions contrariantes. Maistre Rabelais, icy encore en ses sages conseilz, preuenait iudicieusement que: le tout a nous expouser lui est impossible...

.

Aulx inuentions que crachent bauards & chauuinistes sus papier, par le aër & iusques en basoche, ne y ha poinct de raisonables replicques, & ils doibuent se deporter yceulx qui vouldroient patrouner sus la fiereté des poines. Du pantagruelion ne fault traicter que auecques la ruse du regnard ou synon tost les articles se bransleront — comme desia cy dessus & cy dessus il a esté dict et re dict que sourd tel vn vieil official pour ne pas le auoir entendu fault il estre! Pourtant des effectz que ceste herbe soubeline ha prouocqué en l’esperit non ignaue y aurait merueilleuses declairations a inuenter, quoyque curieusement escriptes par necessité. Citerez vous A. Malraulx en ses Antimemoires qui fust grand ministre de Carolus de Gaulle (que ce est vn grand pont, cest homme!), que ne serez pas plus auancez sçachant que il sera logicalement au pan theon en MCMLXXXXVI, et l’opinion de ce faulx frere vault bien ycelles des apologues du iour d’huy qui vuides sont: Vne heure apres [auoir prins de la drogue], il degringuole & rebondist sus les montagnes russes du chanure; ensuyte commence vne frenesie eroticque. L’action du haschisch, vous le sçauez, est cyclicque, formée de grandz cercles d’yuresse separez par des momens de lucydité. Au sortir du premier cercle, Mercurol file, les piedz en dehors, a la paillote-bordel la plus voisine, Messieurs! Que ce Messieurs tombe a propous, messire!

.

Ceulx la qui, se gaudissans des aduertissemens punicques, ne annoncent poinct le vsaige que ilz font de poizon que est propousé par officines ne valent poinct l’escoutte: Lard ghest tholb be sua virtiuss... Mesmement emburelucoqué que vn fol de theriacle, le frappart vaultré dans la crapule se riant des pantagruelistes, ne veoit que luy aussy est tel que iceulx il mocque: se mocque qui clocque, ne est ce poinct? L’anticque opposition que maintes peroraisons ont estably entre l’usance dommaigeable de pantagruelion & ycellui louable de cræpalocomes n’est pas pertinent en ce que le pantagruelion ne se parangonne poinct, ni en ses effectz ni en sa nuysance. Ceste maintenance des fruictz de nostre terrouar ne se iustifie, ne conuainct que abrutis genuflexez, mesme en le dommaine vigneron. Que en serait il du vin de Falerne collaudé par le Pline et le Horace? de Maluoisye grecque que l’Angloys Shakespeare beuuoyt soubz le nom de Malmsey? de Moscatel de Setubal que Maistre Rabelais plaçoit dens le Temple de la diue bouteille Bacbuc? & de tant d’aultres estranges liquides que ne sont issuz de nos champs, synon que eulx aussy fussent des produictz de l’eschange de marchandises auecques les estrangiers que ont corrompu nos belles coustumes? Et ie ne parle poinct de l’herbe a la roine que n’est plus ores condemnée a estre achapter en secret — du moyns ie ne en parlois poinct encor. Pourtant prenons comme fable ycelle de ceste herbe que ha esté vouée aulx pires babouyneries. Hé, quoy! ne fust elle pas louée (lisez l’Instruction sur l’herbe petum de Iacques Gohory, Paris, MDLXXI, ou l’Instruction de la connoissance des vertuz de l’herbe petum de Besson, Paris, MDLXXX) & bientost agonie d’iniures (lisez Petri Scriuerii satunalia siue de vsu atque abusu tabaci, Harlem, MDCXXVIII; & Iacobi VI, Angliæ regis, Misocapnus, siue de abusu tabaci &c. donné par Ioachim Schrouer, Rostock, MDCXLIV; & Iacobi Baldi en sa Satyra contra abusum tabaci, Ingolstadt, MDCLVII; & mesme selon la loi numero XCI-XXXII, nuict grauement a la santé: paouure loig qui se reduict a tailler du medicin...). Pourtant finera par estre libr, quand le croquelardon espuisé en matagrabolisme conuiendra que, oui da, le pantagruelion n’est poinct tant contemptible que ilz le ont dict les matéologiens. Et liront ilz, pour la leur edification, en guise de briefue hystoire l’Esclauage rompu, ou la societé des francs-peteurs de Le Couruaisier (Pordepolis, a l’enseigne de Zephyre-Artillerie, MDCCLVI). Que ne sont ils autant feroces a chiasser sus l’apologie de l’yurongnerye ecstaticque escripte par des nobles beuueurs; quelz biaulx liures, quelles belles letres dont ie me recorde la Declamatio in laudem ebrietatis du bon Christ. Hagendorphino (Haguenau, MDXXVI); quelz puissans genies ce Vincentio Opsopæo en sa Rhapsodia in ebrietatem & ce Bucoldiani en son Oratio pro ebrietate. Et ie cite aussy, pour ce que y ait du fabuleux en ceste fable, le superbe Eloge du pet, dissertation anatomique... a Paris, an VII, de Mercier de Compiegne, ainsy que le subtil traicté & la post face de Coquelet a l’Eloge de rien, dedié a personne (Paris, MDCCXXX), qui a luy seul est emblematicque de ce carneual, car ils sont bien le neant du pensement yceulx qui baillent a pleines dentz vne telle ridicule asnerie, disant du pantagruelion que il est vn des plus anciens stupefiantz a estre vtilisé par certains peuples dont beaucoup presentent des signes euidens de degenerescence. Oh! le gros rat! le gros rat! Z’y vas aulx fins fondz de la vaz & reste y a estudier les cancres & ferrer les poulpes, plutost que de alimenter ta tienne rance ignorance, cornant a la face du grand Turc tes alleguations sus l’aër des sabbotz a cloux. Allez! vne aultre du monument que il ha introduict, par pur soulas: le pantagruelion perturbe & deuie le traitement de l’information dans les zones du cerueau dont l’integrité est essentielle pour l’exercice de la raison & de la liberté; que y ha il de sy pertinax, paouure nytouche? SPQR, euidentement! De la raison ne y ha poinct en la defense crotesque de ceste viude liberté. A cul de foyrart tousiours abonde merdigues, car ainsy a ces diables cependent que ilz durent & crient la theriacle fault en vser, ce est a dire de en rire dauant que de tirer la chorde sus ceste villanie (pour ne plus y reuenir: bouououous!). Est tant vray que abuz en toute chose ainsy comme ainsy cause hebetation pitoyable; en ce pendant ne sont vnicquement des dicts abuz que punit cachotz ou traicte inionction aulx harpions des pharmacos, ains de libere consommation & vsaige que poinct plus — et mesme moyns — nefastes ne sont que bouteilles de syrop vignolat beuz auecques ioye. Mais mesme si, comme en nostre pays disent les bons viuans: gayeté iamais nhabita cueur felon, neantmoins ie ne entreray en ces noisettes pour ce que ie ne iuge pas humerie en mal & ne veulx le fustiger pour deffendre aulcunes praticques. Le bon vin est bon, comme le pantagruelion est “admirable”, & n’est pas vtile de mesdir de l’un pour sauluer l’aultre des oultraiges des pisse vinaigrette de seruice. Les yuresses se valent a qui veult se casser la caboche, & que gronde la voix de la loig la dessus, elle ny peult que nenny.

.

Encontre la herbophylie, la passion & les affections, la raison des prochatz ne ressort poinct du rational ains des interdictz propres aulx ecclises, ycelles qui mortiffient les corpz & ycelles qui meurtrissent les esperitz: les rys & les plaisirs de la terrestre vie ensemblement sont condemnez par l’auctorité ecclesiasticque & par la iustice des hommes sans que motif en soye bien apert & congneu. Ni par medicine, ni par aultres sciences ne se peuuent expliquer la lourderye des peines pour de si legieres fanfreluches de vsance que le code met en ordre (medicine se grime comme aide de police est desia). A ne poinct vouloir finer enchassez se fauldront doncque estre soubmiz les empoisonnez au controlle & au regard des myres & des apothecaires — & lors les serments de hyppocrates que sont ilz synon hypocrites iurons? Inionction therapeutice se dist pour obliger a se guerir soy de vne faulse maladie que est la fumée en vice et de forcer le soy disant empoisonné en renonce. Mais inionction therapeutice besterie est esguard petard, en cela que yceulx ne soubhaytent guerison pour ce que ne y ha vice en la fumée, disent les serieulx sçauantz. Les vertuz de ces prisons, ou les chaisnes sont medicamens, ne seront icy notez pour ycellui que ha si foiblement pesché, semblans petarades atomicques sus punaises bacteryes; mesmement le elephant, qui les mouscherons ha escarbouillez de ses piedz, ne ha seruelle en son craine: du mal sainct Valentin naist le sainct Medard ou du mal thibault mitaine le sainct Leonard... Nully, si ce ne sont les détracteuses engressées d’officines faisant trembler le lard en charnier & parlant latin deuant les clercs, ne traicte de la en hors du mesfaict du pantagruelion a torche lorgne. Marot en sa sapience disoit que science na hayneux que lignorant et tousiours se peult verifier sa sentence. Ceste tres numereuse paucité (nully a esté dict plus en hault) adiouste ores aulx siennes billes vezées d’anticques superstiositez, telles ycelle que le Pline escriuoit du temps des tres haultz bonnetz en son Hystoire naturelle: semen eius estinguere genituram virorum dicitur..., & qui est en respect ce iour d’huy & en termes similis par yceulx qui taillent de l’hystoriographes soubs excuses que des sçauantz auoient veu (en MCMLXXV), que les spermatozoïdes preleués sus des fumeurs chronicques de haschich presentoient des alterations biochymicques. Il y auoit vne nette diminution de l’arginine des histones dens les spermatozoïdes, ce qui pourroit refleter vne alteration des acides nucleïcques; a croyre que le romanicque disposoit de lunettes de rapeutasseurs (ceulx la mesme qui, guenaux, faisoient d’vn hom, quoy que decrepi, vn lumbricque...) & tres perfaictes pour veoir les habitans des microcosmes spermaticques — attention! bientost d’aulcuns aultres chanteront que la rotundité de la terre planete fust vne asnerie ou que l’homme fust creé de la gadoue par vn estre ciclope supra natural que ha engraué ses loix sus vne table que n’est mesme poinct de cuysine!

.

Le prime dangier de la herbe pantagruelion — ie le re re re dis pour ceulx qui de icy liront le commencement ou que de l’entendouoire ils sont impotens — est seulement que elle est reprimée en sa consommation & de en vanter l’usance, car le iour ne est pas fauorable au iour fauorable; et, comme il n’est mal de dentz plus grant que quand les chiens vous tiennent aulx iambes, ne fauldra sans prudence parler gras de l’idole ou tost goustant de l’huylle de cotteretz (qui oncques ne soulagea d’aulcun mal) tu seras conculqué ares metys; ni se frotter le ventre & la crasse au panier en exprimant a toutes restes sa sienne opinion, car c’est rompre les banez par rolle tant que ce sera la que le liepure gist (ie veulx dire en formule de los). A ne vouloir poinct adhærer au narré l’aire, les carcans du silence censorin oppilent ains ne meurdrissent pas; cest estranglement, a la mort lente que sont les fers, te sera agréable, ie le imagine, bougre de ladre & coqu par couhardise. Mieulx vault tourner les truyes prohibitionistes au foin, ce que subit se faict, pour ce que a lauer la teste d’vng asne on ny perd que la lexifue. En destour, pour que le tour des truyes au foin soyt comprins synon ne ha de sens a le escrire, ie vous raconteray vne aduenture versifiée par messer Niccoló en son “chapitre de la Occasion”: le cheueu au dauant de la teste ha l’Occasion & yceulx qui ne le ont pas voulu empoingner quand elle passe, sont trespassez a vouloir la saisir a nouueau pour ce que ne y ha de cheuueulx par derriere la teste de la Occasion: sus la peau du crane la gryphe glissoit & rien ne saisist.

.

Dire l’orgue en ce subiect est croyre que nues en se durcissans sont paëles d’arin & que vessies feussent lanternes, le tiens toy pour dict vne foys pour toutes, comme implorer le droict de bienseance non plus ne peut estre licite, quand bien mesme ne pourra nuyre a aultruy icelluy qui par les admirables vertuz du pantagruelion veoyd vasche noyre en boys bruslé que en ses esperitz se metamorfosent: il finera par veoir la fumée vraye des siens fagotz. A mon deuys mieulx vault se eschauffer en son harnoys, quoi que en robbe, plustost que rompre andouilles sus le genouil a criticquer ceste matiere de breuiaire, tant y ha de l’asnes en disputations.

.

Et vogue la gualée! puys que tout est quasi frelore bigot si vouloir congnoistre mousche en laict n’est plus loisible es republicques que aulx prix de stations au nosocome en barreaulx, & tel qu’en tyrannie c’est faire de la terre le foussé en ayant la bousche fraische iusques au buscher, ce que ne poinct durera. Aualleurs de frimars, serre argent de la ville ou de la campaigne, vous tous ianspill’hommes qui veiglez en guet-a-pens promptz a punir, sçachez que n’est le bon vostre combat. Attention que le cancre vous puisse venir aulx moustaches, et troys razes de anguonnages pour vous faire vn hault de chausse & nouuelle braguette, que le maulubecque vous trousque & la caquesangue aussy & que... & que... & pour la fin des temps tant que mouschencullade sera a vouloir conuertir a la verité deuots & cagotz & gotz & magotz & matagotz & cradotz... Ainsy soyent ils les troublesfeste, & que sus les isles de Thohu & Bohu les emportent & les plantent les dæmons de la pannicque. Et que paissent en paix es palais ces paragons parasites, parlans sans passion des pauotz en pantofles, & en paradoxe de la panacée; en epitaphe: ilz ne gousterent, mourans idiotz, ni ceste ambroisie nectaricque, ni aduenture bien insupportable souuent, ni le salutaire desdaing, ni tout ce qui est bon sus ceste terre, ains aussy sont de la nature les perilleux dons aulx esperitz vaillans; pour ce que mache estrons & morueulx ne sont couilluz que a boire parolles de leurz maistres qui ont noms: dieux d’assassinateurs fanaticques, honeur chaumeny (a ce propous ne suffist poinct, comme le disoyt aultresfoys vn comicque qui parloit non sans grauité, de ne pas auoir la robbe decorée, encor fault il ne poinct le meriter), denares puants ou gloire miserable sus lesquelz desia fiantent auecques ioye les ozillons auant mesme que ilz ne soyent autelz, legion, bourses ou marbre.

.

Quant a toy ne soyt pas machine
aulx ordres d’vn maistre vaurien,
prosterné a genouilz tremblans.
Oeuure au temps de l’esbranlement
sans te morfondre en l’atendant:
tousiours il est venu a poinct
le moment ioyeulx de la ruyne.
Lict la grande hystoire de l’humain;
trouue de quoy chasser ton meshaing,
ains ne dors pas sus ta pagine
en rauassant comme vn bouin,
car du neant naist le neant:
il y fault du tien & du sang,
& du couraige, euidemment,
pour de l’auant aller en fin
& se moquer des tristes mynes.

.

Sela! Beuuons!

F. Leelcrqc

.